සමිතගේ අලුත්ම සිංදුව. Release වෙලා තාම දවසයි. අහපු ගමන්ම මතකෙට ආවේ සමිතාගේ පරණ කටහඬ.
'සිනා පිපෙනා'
ලක්ෂ්මන් එක්ක කිරිකෝඩු කටහඬින් ගැයුව කාලේ.
ඒ අතර පින්න පිපෙන රෑ යාමේ, රණ හංස යුවල, ඉර පායා, වේදිකාව ජීවිතේ අපේ,
කොළොම්පුරේ නුඹ ඉන්නා, දන්සල් ළඟ පෝලිම් වල වගේ සිංදු පොදියක් තිබුණ.
පස්සේ ආයේම සමිතා කරලියට ආවෙ Iraj එක්ක. කටහඬ පොඩ්ඩක් වැඩිහිටි ස්වරයකින්
දැනෙන අතරේ තනුවට වගේම ඒ කටහඬටත් Irajට නැතුවම බැරි electronic මුහුවත් යොදාගෙන තියෙන බව
පෙනෙන්න තිබුණ. ඒවායේ ප්‍රතිඵල විදිහට ඉවසයිද මන්දා, ආලෙන් වෙලාගන්න වගේ සිංදු නිතරම
මාධ්‍යවල ප්‍රචාරය උනා. ඒ සමහරක් ගී වලට පෙර විදිහටම අතුල අධිකාරිත් ගායනයෙන් එකතුව
හිටියා.
ඊටත් කාලයකට පස්සේ තමා දැන්
මේ සිංදුව ඇහෙන්නෙ.
'එදා හඬමයි අදත් යෞවනයේ' කියල
අමරදේවයන් ගැයුවා තමා. ඒත් අපි වයසට යනව වගේ අපේ හඬවලුත් වෙනස් වෙනවා. යෞවනේ හඬ
පමණක් එහෙමමයි කියලා 'අමුතුම ප්‍රේමයක්' ගී පද
පෙළින් හිතාගන්න නම් පුළුවන්.
සිංදුව රස වින්ඳා!
රූපරචනය පැත්තෙන් ගත්තම
සමිත ගැලපෙන්නෙ නැති බව නම් දැනුණ.
බලන් කැඩපත සොඳුරියේ.............
Amuthuma Premayak (අමුතුම ප්‍රේමයක්) - Samitha
Mudunkotuwa
ඒ ආදරණීයම ප්‍රේමේ පෙම්වතියයි මම නුඹගේ
අදටත් පළමු ප්‍රේමයයි මගෙ ඔයා
අතරමං වුනු පෙම් කතරේ තනිවෙලා මං සිහින අතරේ
මිරිඟුවක් පස්සේ දුවමී මං සදා
අමුතුම ප්‍රේමයක් මේක
යලිත් නොලැබේවී කිසිදාක
මතක විතරයි ඉතිරි අපට
අපි අපෙන් දැන් ඈතට වෙලා..
මම තාමත් මගේ ප්‍රේමේ සොයනවා
නුඹ එනකන් මඟ තාමත් බලනවා//
මේ ලැම තුරුලට මුහු වී
විඳි සෙනෙහස අද සිහිවී
රහසින් සිඳ විදවාවී
මා ඔබ වෙනුවෙන් හිඳිමී
අපි හමුවූ අපි වෙන්වූ
වස්සානේ ප්‍රේමයේ
මා රිදවූ මා සැනසූ
එකම කෙනා නුඹවේ
අමුතුම ප්‍රේමයක් මේක
යලිත් නොලැබේවී කිසිදාක
මතක විතරයි ඉතිරි අපට
අපි අපෙන් දැන් ඈතට වෙලා
මම තාමත් මගේ ප්‍රේමේ සොයනවා
නුඹ එනකන් මඟ තාමත් බලනවා//
